Tuesday, May 31, 2011

Gulzaar

Yoon toh humari kabhi mulakat nahin hui
kabhi haath mila ke handshake nahin kiya
Na kabhi hi hello ki
aur na hi kabhi telephone pe baat kari


Magar, akeli shaant raaton mein
baith kar saath coffee zaroor pi hai
sagar kinare kai bar,
suraj ko doobte hue dekha hai
train ki khidki se,
pahad, pedon ko guzarte hue dekha hai
ek baar,
dentist ke waiting room mein samay bhii bitaya

exam ke dinon mein, kitaab se hatkar
aapke saath man halka kiya hai
ghar se door, kabhi kabhi
aapse guftagu kar ghar pahunche
is daudti hui zindagi mein
chote se break diye aapne

Footpath pe chalte hue,
Chand ko dekhte hue
long drive mein baithe hue
doston ke saath thass marte hue
kitne hi baar aapko yaad kiya

gulzaar sahab, khoob padhi humne aapki rachnaein.

No comments: